Min fostkom hu bla dnub jitfgħalha hu l-ewwel ġebla. Studju Bibbliku Ġw 8:1-11 - Il-Ħames Ħadd tar-Randan

F’dak iż-żmien, Ġesù telaq lejn l-Għolja taż-Żebbuġ. Imma l-għada qabel is-sebħ raġa’ mar fit-tempju, u l-poplu kollu ġie ħdejh, u hu qagħad bilqiegħda jgħallimhom. Imbagħad il-kittieba u l-Fariżej ħadulu quddiemu waħda mara li kienet inqabdet fl-adulterju. Huma qegħduha fin-nofs u qalulu: “Mgħallem, din il-mara nqabdet fil-fatt fl-adulterju. Issa fil-Liġi tagħna Mosè ordnalna biex nisa bħal dawn inħaġġruhom. Int, imma, xi tgħid?”. Dan qaluhulu biex iġarrbuh, ħalli jkollhom fuqiex jixluh.

Imma Ġesù tbaxxa lejn l-art u beda jikteb b’sebgħu fit-trab. Billi dawk baqgħu jistaqsuh, qam dritt u qalilhom: “Min fostkom hu bla dnub jitfgħalha hu l-ewwel ġebla”. U raġa’ tbaxxa jikteb fit-trab. Kif semgħuh jgħid dan, qabdu u telqu wieħed wara l-ieħor, ibda mix-xjuħ.

Ġesù baqa’ waħdu mal-mara, wieqfa fin-nofs. Qam dritt u qalilha: “Dawk fejnhom, mara? Ħadd minnhom ma kkundannak?”. “Ħadd, Sinjur”, qaltlu. “Mela anqas jien ma nikkundannak”, qalilha Ġesù. “Mur, u mil-lum ’il quddiem tidnibx iżjed”.

Il-Kelma tal-Mulej. 

Is-silta tal-lum ma kontx issibha fil-Vanġelu fl-ewwel 200 sena.  Dan għaliex in-numru ta’ Nsara beda jikber ġmielu u ħafna bdew jgħixu ħajja ta’ xejn mhu xejn. Għalhekk il-Knisja adottat pastorali aktar riġida: ma kinitx taħfer tliet dnubiet: ċaħda tal-fidi, qtil u adulterju.  Min ikun ħati t’hekk, kien ikun eskluż mill-komunita’. Għalhekk ma setgħux jaċċettaw il-kliem ta’ Ġesu: “L-anqas jien ma nikkundannak.”  Maż-żmien irranġaw l-affarijiet, u dis-silta sabet postha f’San Ġwann, għalkemm ħafna biblisti jaqblu li kitibha Luqa għax tinħass in-nuqqas tagħha fl-aħħar tal-Kapitlu 21.

“L-għada qabel is-sebħ mar fit-Tempju.”  Wara lejl jitlob, sebaħ jum ġdid fejn Ġesu’ se jikxef il-veru Wiċċ meraviljuż tal-Missier f’dawl li jgħammex.  Imur jitlob fit-Tempju fejn issir ukoll ġustizzja bi kriterji umani.  

Iġibulu adultera li ma nafux x’jisimha.  Din hi simbolu ta’ kull bniedem li ma jibqax fidil għall-wegħdiet tal-Magħmdija tiegħu, għax jaħseb li, jekk jitbiegħed minn Alla, se jkun aktar ferħan.  Permezz ta’ Ibnu, Ġesu’ ta’ Nazaret, il-Missier irid juri x’ġustizzja jagħmel ma’ dawn it-talin, u kemm din hi differenti mir-raġunar u l-kriterji tal-bnedmin.

“Ħadulu quddiemu mara li nqabdet tiżni.”  Din kienet żagħżugħa li kienet għada ma marritx tgħix ma’ żewġha, għax inkella l-piena ma kinetx tkun tħaġġir imma tgħallieq.  Il-piena tal-mewt kienet ukoll għal min joqtol xi ġenitur u min ikasbar is-Sibt.  Dawn il-kundanni rari kienu jseħħu fil-fatt.  Kienu fit-Torah biex juru l-gravita’ ta’ dan l-aġir.  Il-mira tal-kittieba u l-Fariżej ma kinitx din iż-żagħżugħa, imma Ġesu’. Kellhom fatt konkret u waqt li jikkwotaw lil Mose’, riedu jaraw jekk Ġesu’ jimxix fuq il-loġika umana li min jiżbalja ħaqqu l-kastig.  

Ma felħux aktar jaraw lil Ġesu’ jintroduċi ġustizzja ġdida fid-dinja.  Xtaqu jdaħħluh f’xibka għax, jekk jgħid li l-adultera ma ħaqqhiex kastig, ikun qed imur kontra t-Torah.  Jekk jgħid li ħaqqha, il-midinbin ma jibqgħux aktar ifittxuh. 

Hawn għandna żewġ uċuh tal-ġustizzja.  Dik tal-Fariżej aktar timxi mal-loġika.  Il-periklu hu li nattribwixxu dix-xorta ta’ ġustizzja għal Alla.  

Illum ħafna jaqgħu f’dal-periklu għax iridu li Alla jkun ġust skond kif jgħid is-sens komun.  Dan mhux Alla veru imma idolu. Għalhekk Ġesu’ llum irid jgħallimna li d-dnub ma jitħassarx biċ-ċarċir tad-demm tal-midneb jew ta’ xi ħaruf maqtul u maħruq fit-Tempju.  

Biex tagħti tagħlima lill-midneb kemm hu gravi d-dnub, jew biex ma jerġax iweġġa’ lil għajru, inutli tibagħtu għall-mewt. Kemm-il darba nisimgħu Nsara jgħidu fuq il-qtil ta’ xi kriminali:  “Ħaqqu! Il-ġustizzja laħqitu!”  Hija dagħwa li ngħidu li dil-kwalita’ ta’ ġustizzja hija t’Alla.

“Imma, int, xi tgħid?”  Ġesu’ ma weġibx, imma miel minn qaddu ‘l isfel u beda jikteb b’sebgħu fit-trab.  Ma riedx li jiddiskuti magħhom fuq il-ġustizzja jew jikxef l-intenzjoni ħażina tagħhom.  Hu kellu f’moħħu żewġ għanijiet: wieħed li jsalva lill-mara, u l-ieħor li jsalva ‘l dawk li qed jakkużawh billi jilliberahom mill-kriterji ħżiena ta’ ġustizzja li kellhom.

Hawn għandna folla bl-istint tal-massa bħan-ngħaġ ta’ Bendu: biżżejjed wieħed jitfa’ ġebla biex l-oħrajn jagħmlu bħalu bla ma jaħsbuha darbtejn.  L-istess jiġri meta wieħed iħaġġar bi lsienu u bil-kalunji.  Ma jħossux ħati għax “kulħadd hekk qed jagħmel.”  

Ġesu’ jitbaxxa fis-skiet u jħażżeż fit-trab.  Il-folla waqfet ħesrem, mgħaġġba ssaqsi lilha nnifisha:  “Hemm x’qed jagħmel dak?”  Fis-silenzju li waqa’, kull wieħed kellu ċans jieqaf jirrifletti u stħajjel lil Ġesu jgħidlu: “Għalfejn ġejt hawn?  Ġejt minn rajk jew ġiegħlek xi ħadd jew xi ħaġa?  Jew ġejt imkaxkar mal-kurrent?  X’se tieħu minn dan it-tħaġġir?  Qed tinħeba fil-folla biex ma tħossokx tistħi tagħmel ħaġa bħal din?”

Il-Fariżej intebħu x’qed jiġri.  Għalhekk kisru s-silenzju billi komplew jinsistu għal tweġiba.  

Ġesu’ qam dritt u qal: “ Min fostkom hu bla dnub…..”  Biex iżarma l-qawwa tal-folla, ma jindirizzax lil kulħadd flimkien, imma kull individwu wieħed wieħed: “Int tista’ tgħid li qatt m’għamilt dnub?  Żgur int pur u perfett?  Iva?  Mela waddab l-ewwel ġebla.”  Dan jgħodd għalina wkoll: “Qabel ma tħaġġar b’ilsienek, aħseb ftit għaliex se tagħmel dan.  Għax forsi se tgħid il-verita’?  Din raġuni biżżejjed biex tperreċ lil għajrek ma’ kullimkien?  X’ġid se joħroġ?  Żgur li ħadd m’għandu xejn xi jxandar fuqek?”

Ġesu’ reġa’ tbaxxa jikteb fit-trab.  La għamel hekk darbtejn sinjal li importanti.  Ġesu’ ma kitibx id-dnubiet fit-trab biex iġiegħel in-nies jistħu, kif jaħsbu xi wħud.  Hu kien fit-Tempju u kien qed jikteb fuq blata.  Li ried jurihom hu dan: “Għandkom il-Liġi miktuba fuq twavel tal-ġebel.  Għadkom ma naqqaxtuhomx fuq qalbkom?”  “Jum wieħed nibdel qalbkom tal-ġebel f’waħda tal-laħam, biex tħobbu kif iħobb Alla” (Ġeremija. Eżekjel).

“Kif semgħu jgħid dan…qabdu u telqu,” mhux b’mistħija imma konvinti li għal daqsexjn kienu se jagħmlu ħaġa ħażina.  Ir-rabja li kellhom kienet qed tisirqilhom il-ferħ.  Dan reġgħu kisbuh hekk kif iddeċidew li jħallu lil dik il-mara bi kwietha.

Ġesu’ jibqa’ bil-qiegħda u jħares ‘il fuq lejn il-mara.  Isejħilha “mara’ għax bla isem. Simbolu tal-“għarusa” li fl-aħħar iltaqgħet mal-“Għarus” li jħobbha minkejja t-tradimenti tagħha.  

Is-silta tispiċċa b’turija tal-vera ġustizzja ġenwina t’Alla: “L-anqas jien ma nikkundannak. Mur u tagħmilx aktar ħsara lilek innifsek.” Il-messaġġ tal-lum hu: noqogħdu attenti mill-ġustizzja tal-bnedmin; u ma nistennewx li Alla juża dil-kwalita’ ta’ ġustizzja.  

Aħna ħlaqna ħafna każi biex inwaddbu n-nies l-infern, waqt li l-kelma “infern” l-anqas biss insibuha fil-Bibbja.  Alla jiddistingwi bejn id-dnub, li Hu jikkundanna bis-sħiħ, u l-midneb, li Hu jħobb dejjem u ma jikkundanna QATT. 

L-adulterju hu dnub kbir u jweġġa’ l-membri tal-familja fejn iseħħ.  Alla jobgħod dan id-dnub u l-ħsara li jġib miegħu.  Jobgħod ukoll ix-xewqat ħżiena li jwasslu għalih.  Imma l-midneb hu ibnu u jaħfirlu minn qabel ma jiddispjaċih. Jekk nikkundanna oħrajn, jien midneb nispiċċa nikkundanna lili nnifsi. 

Dan iġib rimors u sens ta’ ħtija li jagħmel ħafna ħsara għal saħħti.  Alla dan ma jridux.  Irid li jien inħossni maħbub u ferħan minkejja l-waqgħat tiegħi.  Fil-Qrar jiħtieġ nisma’ kelma ta’ faraġ biex nerġa’ nqum, nibda folja ġdida, u nkompli ngħix ferħan.

“Il-ġustizzja t’Alla hi ħanina.  Il-ħniena t’Alla hija ġusta” - Papa Franġisku.

Dan ħuk kien mejjet u raġa’ qam, kien mitluf u nstab. Studju Bibbliku Lq 15:1-3,11-32 - Ir-Raba’ Ħadd tar-Randan

F’dak iż-żmien, il-pubblikani u l-midinbin kienu jersqu bi ħġarhom lejn Ġesù biex jisimgħuh. U kemm il-Fariżej u kemm il-kittieba kienu jgemgmu u jgħidu: “Nies midinba jilqa’ għandu dan u jiekol magħhom!”.

U Ġesù qabad u qalilhom din il-parabbola: “Kien hemm raġel li kellu żewġ ulied. Iż-żgħir qal lil missieru: ‘Missier, agħtini s-sehem li jmiss lili mill-ġid’. U dak qassmilhom il-ġid. Ma kinux għaddew wisq ġranet, meta ż-żgħir sarr kollox u telaq minn beltu lejn pajjiż imbiegħed, u hemmhekk berbaq ġidu kollu f’ħajja mtajra. Meta ħela kulma kellu, fuq dak il-pajjiż waqa’ ġuħ kbir, u beda jħoss ruħu fil-bżonn. U mar daħal ma’ wieħed minn dak il-pajjiż, li bagħtu fir-raba’ tiegħu jirgħa l-ħnieżer. Kien jixtieq kieku jimla żaqqu mqar bil-ħarrub li kienu jieklu l-ħnieżer, imma ħadd ma kien jagħtih.

Imbagħad daħal fih innifsu u qal: ‘Kemm lavranti ma’ missieri għandhom ħobż bix-xaba’, u jien qiegħed hawn immut bil-ġuħ! Ħa nqum u mmur għand missieri, u ngħidlu: Missier, dnibt kontra s-sema u kontra tiegħek; ma jistħoqqlix iżjed nissejjaħ ibnek; żommni b’wieħed mil-lavranti tiegħek’.

Qam, u telaq għal għand missieru. Iżda kif kien għadu fil-bogħod missieru lemħu u tħassru, u b’ġirja waħda mar inxteħet fuq għonqu u biesu. It-tifel qallu: ‘Missier, dnibt kontra s-sema u kontra tiegħek; ma jistħoqqlix iżjed nissejjaħ ibnek’.

Iżda l-missier qal lill-qaddejja tiegħu: ‘Isaw! Ġibulu l-isbaħ libsa u xidduhielu, libbsulu ċ-ċurkett f’sebgħu u s-sandli f’riġlejh! Ġibu l-għoġol l-imsemmen u oqtluh, ħa nieklu u nagħmlu festa, għax dan ibni kien mejjet u raġa’ qam, kien mitluf u nstab!’. U għamlu festa.

Mela ibnu l-kbir kien fl-għalqa. Huwa u rieġa’ lura, kif wasal qrib id-dar sama’ daqq u żfin. Sejjaħ wieħed mill-qaddejja u staqsieh dak x’kien. Dak qallu: ‘Hawn ħuk u missierek qatillu l-għoġol l-imsemmen, għax raġa’ kisbu qawwi u sħiħ’. Hu inkorla, u ma riedx jidħol ġewwa, iżda missieru ħareġ jitolbu jidħol. Iżda hu qal lil missieru: ‘Ara, ili dawn is-snin kollha naqdik, kelmtek ma ksirthielek qatt, u kieku qatt tajtni gidi lili biex nagħmel ikla u nifraħ ma’ ħbiebi! Imbagħad jiġi dan ibnek, li belagħlek ġidek man-nisa żienja, u lilu toqtollu l-għoġol l-imsemmen’. Qallu missieru: ‘Ibni, inti dejjem miegħi, u kulma hu tiegħi huwa tiegħek. Imma kien meħtieġ li nagħmlu festa u nifirħu, għax dan ħuk kien mejjet u raġa’ qam, kien mitluf u nstab!’”.

Il-Kelma tal-Mulej.

Illum għandna waħda mill-isbaħ parabboli ta’ Ġesu’. Ma qalhiex lill-midinbin imma lill-Fariżej u kittieba li bdew igemgmu li “nies midinba jilqa’ għandu dan.”  

Dawn il-“ġusti” kienu barra jittawlu ġewwa fejn Ġesu’ kien qed jiekol mal-midinbin.  Igemgmu, fi kliem ieħor ma jaqblux u jipprotestaw.  Allura Ġesu’ ħareġ barra għax kellhom aktar bżonn jikkonvertu minn dawk li kienu ġewwa. Bħal meta Alla sabha iktar diffiċli jikkonverti lil Ġona milli n-nies ta’ Ninwe.  

Ġesu’ kien iħobbhom lill-Fariżej u għalhekk qallhom dil-parabbola bit-tama li jiskopru il-veru wiċċ ta’ Alla u b’hekk jiksbu l-ferħ.  Jiħtieġ jagħmlu hekk ukoll dawk li llum għadhom iqisu lil Alla imħallef sever li jikkastiga bla ħniena. Il-parabbola kienet mod effikaċi biex tgħallem, għax dak li jismagħha mill-ewwel jidentifika ruħu ma’ xi persunaġġ.  Il-Fariżej żgur qablu mat-tifel il-kbir meta qal lill-missieru li ma kienx ġust miegħu. 

“Agħtini s-sehem li jmiss lili mill-ġid.”  Dan l-iben qisu qed jgħidlu: “Ma rridx nistenna li tmut.  Irrid nirtek issa ħa ngħix fejn irrid bla indħil tiegħek.”  

Kemm-il darba aħna ngħidu hekk lil Alla għax naħsbu li biex issegwi l-liġi Tiegħu titlef il-ferħ.  Forsi għax għallmuna li min ma jobdix lil Alla jiġi kkastigat.  Ġesu’ qatt ma qal “Obdu lil Alla” imma “Intom ulied Alla.  Mela ixbhu ‘l Missierkom.”  

It-tifel iż-żgħir ħass li se jaħli żogħżitu jagħmel ix-xewqat  ta’ missieru.  Ried igawdi qabel ma jikber sew.  Forsi wkoll għax ħuh kien jobdi ‘l missieru bi skruplu kbir, kien iħossu perfett u għalhekk kien ipoġġi lil ħuh f’dell ikrah.  

Illum irridu naraw kemm l-aħwa żgħar qed jitilqu mill-Knisja imħabba l-aħwa l-kbar “perfetti” li jikkritikaw, izekzku u jikkundannaw b’xi “għarukaża”.

Iż-żgħir spiċċa ħażin.  Il-pjaċir ma jtikx dak il-ferħ li jiġi minn Alla.  Dan l-iben ma riedx ikompli  jwettaq il-proġetti tal-missier.  Ried ikun indipendenti u liberu.  Spiċċa lsir ta’ tirann li bagħtu jirgħa l-qżieqeż bla paga u bla ikel. 

Min jitbiegħed minn Alla biex mingħalih isir alla tiegħu nnifsu jiġrilu l-istess: padruni ġodda jisfruttawh u jordnawlu jagħmel ħwejjeġ tal-mistħija u diżumani.  Nafu x’wieħed jasal biex jagħmel għall-flus, karriera, poter, eċċ. Dawn padruni kiefra li jieħdu post il-Missier mimli ħniena.  

Iż-żgħir spiċċa biex jisraq l-ikel tal-qżieqeż għax ħadd ma ried jgħinu.  Il-ġuħ ġegħilu jmur lura għand missieru jitolbu jilqgħu bħala seftur.  Minn kliemu, la sogħob bih talli għamel u l-anqas bidel l-ideja li missieru kien padrun biss.  

Din l-ideja  kellu wkoll it-tifel il-kbir, l-ideja falza t’Alla li kellhom il-Fariżej u li għandhom xi wħud minna llum. Kieku ma kienx hekk, iż-żagħżugħ kien jgħid: “Issa qed nifhem kemm missieri jħobbni u jridni ferħan; u jien għamilt ta’ rasi.  Immur nitolbu maħfra ta’ kemm weġġajtu, u nerġa’ nitlaq mid-dar għax ma jistħoqqlix missier tajjeb daqs dan.”

“Ħa nieklu u nagħmlu festa.”  Din hi l-qalb ta’ missier li ż-żewġ uliedu ma fehmux: 

(a) “kif kien ‘il bogħod”: kien jistenna anzjuż li ibnu jiġi lura.  Din hi l-ħarsa t’Alla fuqna, mhux biex jgħoddilna l-ħtijiet, imma biex qatt ma jabbanduna ‘l uliedu, għax iħobbna u jridna dejjem ferħanin.  Din tikkanċella l-ideja djabolika ta’ Alla li moħħu biex jikkkastiga l-iċken ħtija.   Ma jiħux pjaċir bid-dnubiet, imma jiddistingwi bejnhom u bejn ibnu midneb

(b) “tħassru”: dil-kelma insibuha 12-il darba fil-Vanġelu: il-Missier jew Kristu li jitqanqlu “mill-imsaren” (gut feeling), bħal omm li titqanqal mill-ġuf għat-tbatija ta’ binha anki jekk hu kriminali.  

Hi dagħwa li tgħid li “Alla jħobb it-tajbin u jobgħod lill-ħżiena” għax Hu jħobb lill-kulħadd bla kundizzjonijiet.

(ċ) “b’ġirja waħda”: rari kont tara sid jiġri.  Dal-missier ma qgħadx  jara jekk ibnu ddispjaċiehx jew le.  L-anqas ħabbel rasu x’se jgħidu l-ġirien: “Fejn tħobb il-qalb jiġru r-riġlejn.” Alla wkoll ma jinpurtahx x’se jgħidu fuqu għax iħobb ‘l uliedu midinba.

(d) “inxteħet fuq għonqu” għax aktarx, bil-ġenn li kellu biex jgħannqu, fl-aħħar tliet passi ma mexhiex, imma tar għal fuqu. 

(e) “imlieh bil-bews”, : ma setax jieqaf ibusu. Hawn l-iben jibda jgħid dak li kien ipprepara: “Missier … ma jistħoqqlix..”  Il-missier waqqfu ħesrem għax induna li ibnu għadu jqisu bħala sid li jordna biss, jippremja lil min jobdi u jikkastiga l-oħrajn.  

Biex ibiddillu fehmtu ordna festa.  Dawk li llum jobdu għal xi merti, jew biex jevitaw xi kastig, mhumiex iqimu ‘l Alla tal-Insara, għax dan l-aġir mhux imqanqal mill-imħabba pura.  

(a) “Ġibulu l-isbaħ libsa, mhux ta’ seftur imma li tagħmlu jixbah lill-Missier, u li tagħmlu jħobb kif iħobb Hu.

(b) Libbsuh iċ-ċurkett biex ikun jista’ jissiġilla d-dokumenti f’ismi.

(ċ) Is-sandli f’riġlejh, għax ma rridux ħafi bħas-servi.  Dan mhux seftur imma ibni.”

It-tifel il-kbir ma fehemx kif tista’ tagħmel festa għal min ma jistħoqqlux, bħal xi Nsara li jemmnu li biex tmur il-Ġenna trid tpatti qares għal dnubietek biex tikseb merti biżżejed biex taqta’ l-passaġġ.  

Ġesu’ jikkanċella din l-ideja:  Alla jħobb lil kulħadd bla limitu u bla kundizzjonijiet. Dat-tifel hu simbolu tal-Fariżej u ta’ xi Nsara “ġusti”: jirrabjaw għax is-Sid jagħmel festa gratuwita għal min ma ħadimx fl-għalqa, berbaq flus is-sid, u anki weġġgħu.  

Dan hu l-Wiċċ veru tal-Missier li l-Insara jiħtieġ li jxandru għax rawh imnaqqax f’Wiċċ Kristu.  Id-dnub ġa jpoġġi ħafna toqol fuq il-midneb. Il-Missier ma jridx iżid imma jnaqqas dan it-toqol.  Meta naċċettaw dan l-aspett inkunu nistgħu naħfru l-għedewwa tagħna.  

Il-kbir qatt ma jlissen il-kelma “Missier”: “Ilni dawn is-snin kollha naqdik..”  Il-Missier wieġbu: “Għax ġibt ruħek ta’ seftur miegħi? Int ibni u kulma hu tiegħi hu tiegħek.  Stajt ħadt gidien kemm trid għax irridek ferħan. Ma kellekx bżonn il-permess tiegħi. 

Liż-żgħir l-anqas tqisu bħala ħuk (‘Dan ibnek…’). Ma tistax tifhem li jien missier mhux sid u f’dari rrid ulied mhux sefturi?  Tista’ tagħmel festa jekk taċċetta u tifraħ li dan ħuk kien mejjet u reġa’ qam, kien mitluf u nstab.”  Aktarx daħal ftit għall-festa biex jobdi ‘l missieru, imma malajr ġab xi skuża biex jerġa’ jmur jaħdem fl-għalqa għax ma bidilx l-ideja li missieru padrun biss.

Second Chances: God’s Patience with Us

We all have moments when we feel like we’ve failed—times when we’ve messed up, fallen short, or wasted opportunities. Maybe we lost a friendship because of our mistakes, missed an important chance to do good, or kept making the same wrong choices over and over again. When this happens, it’s easy to believe that we’re beyond repair. But here’s the truth: God is a God of second chances.

A God Who Never Gives Up on Us

In Luke 13:6-9, Jesus tells the Parable of the Barren Fig Tree. A man had a fig tree that wasn’t bearing fruit, and he was ready to cut it down. But the gardener stepped in and said, “Leave it alone for one more year, and I’ll dig around it and fertilize it. If it bears fruit next year, fine! If not, then cut it down.” (Luke 13:8-9)

This parable reveals something amazing about God—He is patient with us. He doesn’t discard us when we struggle. Instead, He nurtures us, giving us the grace we need to grow. His love is not based on our performance but on His endless mercy.

“God’s mercy is fresh and new every morning.” – Lamentations 3:22-23

When Life Feels Like a Mess-Up

Let’s be honest. We don’t always get things right the first time. We let distractions pull us away from prayer, we react in anger, or we put off making necessary changes. But the beautiful thing about faith is that God doesn’t focus on where we’ve been—He focuses on where we can go.

🔹 Have you been feeling stuck? 

🔹 Are there areas in your life where you need a fresh start?

🔹 What’s stopping you from embracing the second chance God is offering you today?

“Your past does not define you. Your response to God’s grace does.” – Unknown

Second Chances in Action

Think about St. Peter. He denied Jesus three times, yet Jesus still called him to lead the Church. Think about the Prodigal Son—he wasted everything, but his father still welcomed him home with open arms. God’s mercy is never-ending, and He calls us to use our second chances wisely.

How Can We Respond?

1. Accept God’s Mercy. Don’t dwell in shame—bring your struggles to God in prayer and trust in His love.

2. Take Action. If God is giving you another chance, use it well! Make the changes you need to make.

3. Bear Good Fruit. Just like the fig tree, we are meant to grow. Look for ways to serve, love, and be a light to others.

“God has not called you to be successful. He has called you to be faithful.” – Mother Teresa

A Story to Inspire You

Liam had just lost his job—again. He had made careless mistakes, ignored warnings, and now felt like a failure. Sitting on a park bench, he stared at his phone, reading the rejection message over and over.

Then, an old man sat beside him, holding a small plant. “Rough day?” he asked.

Liam sighed. “Yeah. I keep messing up. Maybe some people don’t deserve another chance.”

The man smiled and held up the plant. “This almost died last year. No flowers, no growth, just dry leaves. But I didn’t throw it away. I watered it, cared for it, and today—look.” He gently turned the pot to reveal a small bud.

“This little guy just needed time, love, and a second chance. And so do you.”

Liam felt something shift inside. Maybe his mistakes weren’t the end. Maybe they were just the beginning of a second chance.

“God doesn’t waste anything—not even our failures.” – Unknown

A Prayer for Second Chances

🙏 Lord, thank You for never giving up on me. Even when I fall, You offer me a new beginning. Help me to learn from my mistakes, grow in faith, and bear good fruit in my life. May I never take Your mercy for granted but use every second chance to become the person You created me to be. Amen.

To end with a heart full of gratitude, I encourage you to listen to “Your Grace Is Enough” by Matt Maher. Let its words remind you that no matter how many times we fall, God’s grace is always more than enough.

---

Final Thought: God isn’t finished with you yet. You may have stumbled, but He is offering you another chance today. Will you take it? 🙏✨

Mons. Paul Cremona Passes Away: A Legacy of Faith and Service

It is with profound sadness that the Catholic community and the people of Malta mourn the passing of Monsignor Paul Cremona, O.P., who died on Tuesday night. A revered figure in the Church, Monsignor Cremona served as the Archbishop of Malta from 2007 to 2014, leaving an indelible mark on the spiritual and social fabric of the nation.

A Life Dedicated to God and the Church

Born on January 19, 1946, in Valletta, Malta, Paul Cremona joined the Dominican Order at a young age, professing his vows in 1965. He was ordained a priest in 1970 and went on to earn a degree in theology from the University of Fribourg in Switzerland. His intellectual rigor and deep faith made him a respected theologian and spiritual guide.

Monsignor Cremona’s journey within the Church was marked by humility, compassion, and a steadfast commitment to serving others. He held various roles within the Dominican Order, including Prior Provincial of the Maltese Province, before being appointed Archbishop of Malta by Pope Benedict XVI in 2007.

Leadership as Archbishop of Malta

During his tenure as Archbishop, Monsignor Cremona was known for his pastoral approach and his efforts to strengthen the faith of the Maltese people. He emphasized the importance of family, community, and social justice, often speaking out on issues such as poverty, migration, and the sanctity of life. His leadership was characterized by a gentle yet firm dedication to the Gospel values of love, mercy, and reconciliation.

One of his notable contributions was his role in the 2010 visit of Pope Benedict XVI to Malta, which brought the global Catholic community’s attention to the Maltese islands. Monsignor Cremona’s ability to unite people in faith and his unwavering devotion to the Church earned him widespread respect and admiration.

A Humble Servant of God

In 2014, Monsignor Cremona resigned from his position as Archbishop, citing personal reasons and a desire to make way for new leadership. Despite stepping down, he continued to serve the Church in various capacities, offering spiritual guidance and support to those in need. His humility and selflessness were hallmarks of his character, inspiring countless individuals to deepen their own faith.

A Legacy of Faith and Compassion

Monsignor Paul Cremona’s passing leaves a void in the hearts of those who knew him and were touched by his ministry. His life was a testament to the power of faith, the importance of service, and the enduring impact of a life lived in devotion to God. As the Maltese community gathers to mourn his loss, they also celebrate the legacy of a man who dedicated his life to spreading the message of Christ’s love.

In a statement following his passing, the Archdiocese of Malta expressed its gratitude for Monsignor Cremona’s years of service and asked for prayers for the repose of his soul. “Monsignor Cremona was a shepherd who led with love and humility. His life was a gift to the Church and to all who knew him.”

Final Farewell

Funeral arrangements for Monsignor Paul Cremona are expected to be announced in the coming days. As the faithful prepare to bid farewell to this beloved spiritual leader, they take comfort in the knowledge that his legacy will continue to inspire future generations.

Monsignor Cremona’s life reminds us of the enduring power of faith and the profound impact one individual can have on the lives of many. May he rest in eternal peace, welcomed into the arms of the Lord he served so faithfully.

Jekk ma tindmux, ilkoll tintilfu xorta waħda. Studju Bibbliku Lq 13:1-9 - It-Tielet Ħadd tar-Randan

 

F’dak iż-żmien, ġew xi wħud għand Ġesù u qalulu b’dawk il-Galilin li Pilatu kien ħallat demmhom mad-demm tal-vittmi tas-sagrifiċċji tagħhom. U Ġesù qabad u qalilhom: “Taħsbu intom li dawn il-Galilin kienu iżjed midinbin mill-Galilin l-oħra biex sofrew dan kollu? Le, ngħidilkom; imma jekk ma tindmux, ilkoll tintilfu bħalhom. Jew dawk it-tmintax-il ruħ li fuqhom waqa’ t-torri ta’ Silwam u qatilhom, taħsbu intom li kienu iżjed ħatja min-nies l-oħra ta’ Ġerusalemm? Le, ngħidilkom; imma jekk ma tindmux, ilkoll tintilfu xorta waħda”.

U qalilhom din il-parabbola: “Wieħed kellu siġra tat-tin imħawla fl-għalqa. Mar ifittex il-frott fiha, u ma sabx. Għalhekk qal lil dak li kien jaħdimlu l-għalqa: ‘Ara, ili tliet snin niġi nfittex il-frott f’din is-siġra tat-tin, u qatt ma sibtilha. Mela aqlagħha! Għax għalfejn se tibqa’ tkidd l-art?’. Iżda dak wieġbu: ‘Inti ħalliha, sinjur, għal din is-sena, sa ma nagħżqilha madwarha u nagħtiha d-demel. Id-dieħla għandha mnejn tagħmel il-frott; jekk le, aqlagħha’”.

Il-Kelma tal-Mulej.

Is-silta tal-lum tibda bil-kliem: “F’dak il-mument preċiż…” Ġesu kien għadu kif qal lin-nies kemm kienu kapaċi ibassru t-temp mis-sinjali fin-natura u mir-riħ. Allura issa kif ma jistgħux jindunaw bis-sinjali li Alla qed jurihom, jiġifieri li waslet biex tibda dinja ġdida bi proposti ġodda ta’ ħajja aktar umana? F’dan ir-Randan aħna qegħdin b’seba’ għajnejn biex nintebħu bis-sinjali tal-miġja tal-Mulej fostna? Jew aljenati wisq fuq l-aħħar mudell ta’ karozza, ilbies, smartphone, eċċ?

Xi Galilej marru Ġerusalem għall-festa tal-Għid biex joffru sagrifiċċji fit-Tempju. Aktarx għaddew xi kummenti goffi lill-għases Rumani u kienu se jaqilgħu xi nkwiet. Peresss li l-Galilej kellhom fama ħażina, Pilatu ordna li jwaqqfuhom mill-ewwel b’mod drastiku, u demmhom  tħallat ma’ dak tas-sagrifiċċji. Għal-Lhud dan l-att kriminali kien profanazzjoni tat-Tempju. 

Xorta waħda dawn il-Galilej kienu meqjusa midinba la messithom din ix-xorti.  Għalhekk xi wħud fakkru dil-ġrajja lil Ġesu biex jaraw x’se jgħid. 

Weġibhom: “Taħsbu li dawn kienu iżjed midinba mill-Galilej l-oħra? Le, imma jekk ma tindmux, ilkoll tintilfu bħalhom. L-istess argument jgħodd għal dawk li fuqhom waqa’ t-torri ta’ Silwaħ (aktarx waqt li kienu qed isewwu xi ħsarat fih) u qatilhom.” Anki llum għad hawn min jgħid li l-vittmi tal-gwerer, mard, faqar, eċċ ġralhom hekk bħala kastig t’Alla. 

Ġesu llum igiddeb lil dawn it-talin. M’hemm ebda konnessjoni ta’ dawn id-disgrazzji mad-dnub. Huma ħwejjeġ li jiġru lil kulħadd. Fil-Vanġelu, Ġesu jgħallimna kif ngħixu dawn il-ġrajjiet biex noħorġu minnhom mhux megħlubin imma aktar maturi. Anki Ġesu bħala bniedem għadda minnhom; dawn żgur ma kinux kastig tal-Missier. 

Mela Nisrani m’għandux jgħid: “Għaliex dan ġara lili? Jien x’għamilt ħażin?” għax hekk ikun qed joħodha bħala kastig. Barra minn hekk, in-Nisrani għandu d-Dawl biex jiggwidah, il-qawwa tal-Ispirtu s-Santu  u l-aħwa Nsara li għandhom jagħtuh is-sapport tagħhom.

Żgur li n-nies kienu ddiżappuntati li Ġesu ma  kkundannax l-aġir ta’ Pilatu. Dan ma jfissirx li ma kienx sensibbli għat-tbatija tal-poplu. Tant hu hekk li beka fuq Ġerusalem u fuq il-qabar ta’ Lazzru. 

Iz-zeloti kienu għadhom ma dehrux fix-xena politika biex jibdew jiribellaw kontra Ruma. Ġesu kien jaf li, kieku kellu jsaħħan l-irjus kontra Ruma, kienet tiżdied aktar vjolenza u  tixrid ta’ demm. Dawk l-Insara li llum jinpenjaw ruħhom fil-qasam politiku iridu jagħmlu ħilithom biex jagħtu kontribut siewi lis-soċjeta’, ilabalbu mill-inqas u qatt ma jsaħħnu l-irjus għall-vantaġġ personali tagħhom fuq l-avversarji.

Raġuni oħra li nisimgħu illum hu: “Jekk dawn id-disgrazzji jolqtu anki l-innoċenti, mela d-dinja maħluqa ħażin. Jekk jeżisti Alla tajjeb, ma jħallix dawn id-disgrazzji jiġru.”  Din hi d-dinja tagħna fejn hawn nies tajbin u oħrajn inqas tajbin bħal Pilatu. Kieku ma kienx hekk, kienet tkun dinja oħra u mhux tagħna. Ma rridux ninsew li ħafna mill-gwaj ġabu l-bniedem fuqu nniffsu kawża tad-dnub. Ġesu niżel fid-dinja biex jagħmel espejenza ta’ dil-ħajja, jieħu d-dnub fuqu u jpatti għalih.

Il-kumment li Ġesu jagħmel hu li l-bniedem jiħtieġ jindem, jikkonverti, fi kliem ieħor li mhux jevita xi dnub jew ieħor imma li jieħu deċiżjoni serja biex iħalli ‘l Ġesu jiftaħlu għajnejh biex jaċċetta l-proposta Tiegħu bla telf ta’ żmien. Dan għaliex il-ħajja hi qasira. Barra minn hekk qatt ma taf hux se tiġrilek xi disgrazzja kif ġara lill-Galilej. 

Ġesu qed jgħidilna hekk illum mhux biex ibeżżagħna imma biex iwissina ħalli ma naħlux  ħajjitna fuq ħwejjeġ superfiċjali u li jtiru mar-riħ. Ir-Randan hu l-isbaħ ċans biex nagħmlul dan, jiġifieri li ngħixu kull aspett tal-ħajja tagħna fid-dawl tal-Vanġelu. E.g. meta nisimgħu b’xi aħbar kerha fil-midja, ma niqfux biss biex naqtgħu il-kurżita’, imma naraw x’nistgħu nitgħallmu minnha.

Ġesu jkompli bil-parabbola tas-siġra tat-tin. L-ewwel insibu li sid l-għalqa jinteressa ruħu fiha u jiġi jfittex il-frott. Din mhux tina selvaġġa imma mħawla f’għalqa tad-dwieli. 

Kif nafu, din l-għalqa hi simbolu tal-poplu Lhudi (e.g. meta Isaija jgħid li tat għeneb qares, i.e. il-mod żbaljat kif il-Lhud kienu qed iqimu ‘l Alla, minn flok li tat inbid tajjeb – simbolu tal-ferħ). 

It-tina hi simbolu tal-paċi. Fid-deżert il-Lhud kienu joħolmu fuq dak il-jum meta jaslu f’arthom u jistrieħu għad-dell ta’ xi tina mal-qraba u l-ħbieb, fil-waqt li jiggustaw il-frott ħelu tagħha. Int, Nisrani, li qiegħed f’dil-għalqa, i.e. il-komunita li ħarġet mill-ġuf tal-għarusa tal-Mulej (Israel), int mistenni li tipproduċi l-frott ħelu (opri tajba, qalb kbira, ferħ u paċi). Dan tagħmlu b’impenn sħiħ fil-proġett t’Alla.

Hawn jidħol il-bidwi mikri biex jieħu ħsieb l-għalqa. Dan hu Kristu li ġie mibgħut biex is-siġar jagħtu l-frott. Is-sid jgħidlu: “Tliet snin ilni niġi nfittex il-frott.” Dawn jirreferu għat-tliet snin tal-ħajja pubblika ta’ Ġesu. 

Ġwanni l-Battista kien qal lill-Lhud x’għandhom jagħmlu: “Min għandu żewġ ilbiesi, jagħti waħda lil min m’għandux; min għandu x’jiekol, jaqsam mal-foqra; tkunux inġusti, vjolenti, eċċ.” Dan il-frott ma wasalx. 

Ġesu wkoll darba ġie ħdejn tina niexfa, simbolu tan-nies li ma  aċċettawhx.  “Mela aqlgħha biex ma tkiddx l-art.” Jien għadni Nisrani ta’ nofs kedda u jistħoqqli dal-kliem għax għadni ma npenjajtx ruħi biżżejjed?” 

“Ħalliha għal din is-sena….” Min hu das-sid li jrid iqaċċat lil min ma jagħmilx frott? Hu Alla pinġut b’mod  żbaljat mill-Lhud, i.e. Alla mħallef  bla ħniena. Ġesu ried ibiddel dil-ideja billi jagħti ċans ieħor u ieħor, ċans ta’ sena twila li ma tispiċċa qatt, fejn il-Missier jesprimi l-ħniena Tiegħu bla tarf. F’dan ir-Randan, ejjew inħallu dan il-Bidwi, jagħżaq fil-fond ta’ qalbna, ineqqiha mill-ħaxix ħażin, idemmilha bil-Kelma Tiegħu u jsaqqiha bl-Ispirtu qaddis Tiegħu.  Il-Missier Etern ma ried bl-ebda mod jhedded li se “jqaċċat” lil xi ħadd. Sempliċiment ried iwissina li l-ħajja hi qasira, u għalhekk m’għandniex żmien x’nitilfu biex nagħmlu frott bini u ħelu.

Huwa u jitlob, id-dehra ta’ wiċċu tbiddlet. Studju Bibbliku Luqa 9:28b-36 - It-Tieni Ħadd tar-Randan

 

F’dak iż-żmien, Ġesù ħa miegħu lil Pietru, lil Ġwanni u lil Ġakbu, u tala’ fuq il-muntanja biex jitlob. U ġara li huwa u jitlob, id-dehra ta’ wiċċu tbiddlet u l-ilbiesi tiegħu saru ta’ bjuda li tgħammex.

U kien hemm żewġt irġiel jitħaddtu miegħu, Mosè u Elija, li dehru fil-glorja, jitħaddtu fuq it-tmiem ta’ ħajtu li kellu jseħħ f’Ġerusalemm. Pietru u sħabu kienu mejtin bin-ngħas, imma baqgħu mqajmin sewwa, u raw il-glorja tiegħu u ż-żewġt irġiel li kienu miegħu. Xħin dawn it-tnejn kienu se jinfirdu minnu, Pietru qal lil Ġesù: “Mgħallem, kemm hu sew li aħna hawn! Ħa ntellgħu tliet tined, waħda għalik, waħda għal Mosè, u waħda għal Elija”. Ma kienx jaf x’inhu jgħid.

Waqt li kien qiegħed jgħid dan, ġiet sħaba u għattiethom u huma beżgħu kif daħlu fis-sħaba. U minn ġos-sħaba nstama’ leħen jgħid: “Dan hu Ibni l-maħtur, lilu isimgħu!”. Malli nstama’ l-leħen Ġesù sab ruħu waħdu. Huma żammew is-skiet, u għal dawk il-jiem ma qalu xejn lil ħadd minn dak li kienu raw.

Il-Kelma tal-Mulej.

Bil-Grieg tintuża l-kelma metamorfosi  mhux trasfigurazzjoni.  Aħna din nużawha meta dudu jsir farfett.  Hawn min jitqażżeż  meta jara ċertu dudu, imma jammirah meta jinbidel f’farfett sabiħ. 

Sitt ijiem qabel din il-ġrajja,  f’Ċesareja ta’ Filippu, Ġesu staqsa lill-Appostli: “Min tgħidu li jien?”  Pietru wieġbu:  “Int il-Messija.”  Wara din l-istqarrija ta’ fidi, Ġesu ried ifissrilhom x’jiġifieri tkun Messija u x’kienet il-missjoni Tiegħu. Din kienet se twasslu għaċ-ċaħda u l-mewt  f’Ġerusalemm.

Pietru, b’raġunar tal-bnedmin ta’ dak iż-żmien, beda jlum lil Ġesu: “Min jagħti ħajtu għall-oħrajn huwa bniedem fallut.”  Ġesu ċanfru u għajjatlu ‘xitan’ (ara n-noti tal-Ħadd li għadda) għax kien qed jittantah biex ma jwettaqx it-rieda tal-Missier.  

Illum Ġesu ried juri lit-tliet appostli li, dak li f’għajnejn in-nies jidher ikrah u fallut, jista’ jkun sabiħ u ta’ suċċess.  Riedhom jagħmlu esperjenza mill-viċin tal-wiċċ u tal-presenza tal-Missier.  Illum qed jistieden lilna wkoll biex inħarsu lil hinn mill-bniedem fallut fuq salib u nagħmlu esperjenza tal-istess bniedem mibdul f’wieħed glorjuż u li jittrasmetti l-Wiċċ imdawwal tal-Missier Etern.

Pietru, Ġwanni u Ġakbu huma magħżula llum u aktar tard fl-Ort tal-Ġetsemani.

“Tela’ fuq muntanja ”, fi kliem ieħor il-post fejn wieħed jinqata’ mid-dinja u jagħmel kuntatt aktar mill-viċin m’Alla.  Biex nagħmlu l-esperjenza tal-lum, anki aħna rridu ninqatgħu mill-istorbju tal-ħajja – hawn min jagħmel ħin ta’ talb fil-kwiet (quiet time)  tad-dar jew f’xi kappella. Oħrajn imorru f’xi dar tal-irtiri, jattendu prayer group jew Lectio Divina.   Irridu ninqatgħu mhux biss mill-istorbju imma wkoll mir-raġunar u l-kriterji tad-dinja.  F’dan is-silenzju, waqt ir-riflessjoni u l-meditazzjoni, il-Mulej se jtina l-grazzja li nagħmlu esperjenza tal-preżenza ta’ Kristu fil-glorja tiegħu, u nħossu l-ferħ ġenwin li ħassew l-Appostli.  Mose’ u Elija kienu ppreparaw il-poplu Lhudi għall-glorja t’Alla.

Mose’ darba staqsa lil Alla biex jara wiċċu.  Alla qallu: “Ħa ngħaddi minn quddiemek imma se ngħattilek għajnejk.  Wara li nkun għaddejt tista’ tiftaħ għajnejk u tara l-glorja tiegħi fl-opri li nkun wettaqt.”

Elija wkoll kien tela’ fuq muntanja (Ħoreb) biex ifittex lil Alla.  Ma sabux fit-terrimot jew fit-tempesta, imma f’żiffa ħelwa, fil-vuċi tas-silenzju.  Din kienet preparazzjoni għall-miġja ta’ Kristu li kellu juri lid-dinja id-dawl tal-Missier.

Pietru tant għoġbitu dix-xena li ried iwaqqaf l-arloġġ.  “Intellgħu tliet tined” - Ħa nibqgħu hawn u nkomplu ngawdu dan il-wiċċ ġdid ta’ Kristu għal dejjem.”  Mela jekk aħna nitilgħu il-muntanja (inħallu warajna l-kriterji u r-raġunar tal-bnedmin), aħna wkoll nibdew induqu dal-ferħ, għax naffaxxinaw ruħna meta naraw lil Kristu kif jaraH il-Missier. 

Ġesu ħa t-tliet Appostli għalihom, imma fuq l-għolja kienu ħaġa waħda – kommunita.  Aħna nitilgħu l-għolja kull darba li niltaqgħu bħala kommunita għat-talb u għall-qsim tal-Ewkaristija.  Din għandha tkun ċelebrazzjoni ta’ ferħ kbir għax hemm kuljum nitgħallmu dejjem iżjed kif niċħdu l-kriterji u l-valuri tad-dinja u nħaddnu dawk tal-Kelma t’Alla.  Imma ma nistgħux nibqgħu fuq il-muntanja l-ħin kollu.  Irridu nerġgħu lura fid-dinja biex inħajru lil ħutna iħaddnu dak li ksibna aħna. 

“Ġiet sħaba u għattiethom….”  Sħaba s-soltu ġġib id-dlam.  Din tfisser li dment li għadna f’did-dinja qatt m’hu se naraw lil Alla kif inhu.  Dejjem se jkun hemm mumenti ta’ dlam. ċpar, misteru.  

Imma minn qalb is-sħaba toħroġ il-vuċi t’Alla:  “Dan hu Ibni l-Maħtur….”  Darb’oħra biss smajniha din il-vuċi: fil-magħmudija ta’ Ġesu.  Dak in-nhar Ġesu ma deherx waqt li kien qed jagħmel il-mirakli, imma deher bħala midneb li kellu bżonn il-magħmudija ta’ Ġwanni.  Għalhekk il-Missier jikkonferma lin-nies:  “Dan m’huwiex il-midneb li qed taraw intom, imma Ibni l-Għażiż.” 

Illum fuq it-Tabor il-Missier jerġa’ jikkonfermalna: “F’Ibni l-Għażiż għandkom taraw lili.  Mela, isimgħu Lilu.”  In-Nisrani jrid jisma’ lil Ġesu billi jaċċetta l-proposti tiegħu.  In fatti it-tliet appostli li raw id-dija ħierġa mill-wiċċ Divin ta’ Ġesu, issa, għal dil-proposta, waqgħu wiċċhom fl-art  bil-biża’.  Kull tant il-proposti li jagħmlilna Ġesu m’humiex faċli.  Anzi xi kull tant huma tal-biża’ għax huma mpenjattivi ħafna.  

Għalhekk Ġesu resaq lejhom, messhom u qalilhom: “Qumu. la tibżgħux!” Fi żmien ta’ qtiegħ il-qalb, ejjew aħna wkoll nistħajlu lil Ġesu jgħidilna biex inqumu fuq saqajna u ma nibżgħux.  Niftakru li kien hu li l-ewwel ta ħajtu għall-oħrajn.

Fir-rakkont ta’ Mattew insibu li: “Huma refgħu għajnejhom u raw lil Ġesu biss.”  Issa li għandna d-Dawl, ix-xogħol ta’ Mose’ u Elija intemm.  L-espressjoni “refgħu għajnejhom” tħabbar li xi ħaġa sabiħa se tiġri dal-waqt.  Eżempji: 

(a) Meta Alla qal lil Abram:  “Erfa’ għajnejk u ara tistax tgħodd il-kwiekeb” – riżultat: Alla għamel patt mal-poplu Lhudi;  

(b) ..lil Mose: “Ħares lejn il-Lvant u l-Punent” – riżultat: Alla ta b’wirt l-Art Imwiegħda lill-poplu magħżul Tiegħu; 

(c) Meta Ġesu refa’ għajnejh lejn is-sema qabel xi miraklu; jew biex jara l-Żakkew fis-siġra.   Jekk għad hawn il-faqar u l-gwerer fid-dinja forsi għax mhux qed nerfgħu għajnejna lejn is-sema aktar ta’ spiss.

Wara din l-esperjenza, l-Appostli niżlu minn fuq il-muntanja, persważi li, biex jgħinu lill-oħrajn jiskopru il-vera identita ta’ Kristu, kien meħtieġ li jservuhom.  Aħna għandna bżonn nagħmlu l-istess.

Ġesù, mimli bl-Ispirtu s-Santu, mar fid-deżert fejn kien imġarrab mix-Xitan. Studji Bibbliku Luqa 4:1-13 - l-Ewwel Ħadd tar-Randan

 

F’dak iż-żmien, Ġesù, mimli bl-Ispirtu s-Santu, raġa’ lura mill-Ġordan u l-Ispirtu ħadu fid-deżert. Hemm għal erbgħin jum Ġesù kien imġarrab mix-Xitan. Matul dawk il-jiem ma kiel xejn; u mbagħad, meta għaddew dawk il-jiem, ħadu l-ġuħ. U x-Xitan qallu: “Jekk inti Bin Alla, għid lil din il-ġebla ssir ħobż”. Wieġbu Ġesù: “Hemm miktub: Il-bniedem mhux bil-ħobż biss jgħix”.

Imbagħad ix-Xitan ħadu fl-għoli u wrieh is-saltniet tad-dinja kollha f’daqqa. Qallu x-Xitan: “Nagħtik is-setgħa fuq dawn kollha, bil-glorja tagħhom ukoll għax hija ngħatat lili, u jiena nagħtiha lil min irrid. Jekk tinxteħet quddiemi tagħtini qima, kollha tiegħek tkun”. Ġesù wieġbu u qallu: “Hemm miktub: Lill-Mulej, Alla tiegħek, tadura, u lilu biss taqdi”.

Imbagħad ix-Xitan ħadu Ġerusalemm, qiegħdu fuq il-quċċata tat-tempju, u qallu: “Jekk inti Bin Alla, inxteħet minn hawn għal isfel. Għax hemm miktub: “Lill-anġli tiegħu jordnalhom biex jieħdu ħsiebek sewwa”, u li: “fuq idejhom jerfgħuk, ħalli ma taħbatx riġlek ma’ xi ġebla”. Wieġeb Ġesù u qallu: “Jingħad: Iġġarrabx lill-Mulej Alla tiegħek”.

Imbagħad ix-Xitan, meta temm dan it-tiġrib kollu, telaq minn ħdejh sa ma wasal il-waqt.

Il-Kelma tal-Mulej.

Meta naħsbu fuq ix-xitan, inpinġu mostru tal-biża’. Kieku jippreżenta ruħu hekk, ħadd  ma jisma’ minnu.  Il-gwaj hu li juri ruħu f’forma attraenti, u mhux kulħadd jinduna bil-maskri li jinħeba warajhom.  Jiġi jsefsiflek: “Jien nixtieqlek il-ġid.  Irridek tkun ferħan.  Mela għamel kif ngħidlek.”  

Fil-Ġenesi, hu mpinġi bħala serp. Mhux għall-velenu li jista’ jtina imma għax, peress li jbiddel qoxortu kull sena, kienu jaħsbu li jġedded ħajtu mill-ġdid, u b’hekk jgħix għal dejjem.  F’xi kulturi, allura, is-serp kien meqjuż li kellu s-sigriet tal-ħajja ta’ dejjem, u kellu l-qawwa li din jagħtiha lil min irid. Il-Lhud fid-deżert, migdumin minn sriep velenużi, ħarsu lejn is-serp tal-bronż u fiequ. Imma kif nafu tajjeb, is-serp jibqa’ velenuż, u jigdmek meta l-inqas tkun qed tistennieha. Kull tant nindunaw bl-ingann tiegħu meta jkun tard wisq. 

In-Nisrani llum irid joqgħod b’seba’ għajnejn għal b’hiex jew b’min se jinqeda biex iwaqqagħna biċ-ċejċa, tlellix jew karrotta li jdendel quddiemna.  Il-proposti tiegħu qatt mhu se jwasslu għall-ħajja imma għall-mewt. Ta’ spiss jgħidlek: “Issa kbirt. M’hemmx għalfejn issaqsi x’inhu ġust u x’mhux.  Dak ħallieh għat-tfal.  U l-Kmandamenti?  Dawk ixekkluk u ma jħallukx tgħix ferħan fil-liberta’.  

L-anqas Ġesu’ ma kien ħieles minn dawn it-tentazzjonijiet li, mhux biss kellu jitqabad magħhom fil-bidu tal-missjoni Tiegħu, imma matul il-ħajja Tiegħu pubblika. In fatti s-silta tispiċċa hekk: “Ix-xitan …telaq minn ħdejh sa ma jasal il-waqt.”  

In-numru 40 fil-lingwaġġ Bibliku, jindika ġenerazzjoni sħiħa.  Is-silta tal-lum insibuha ftit wara l-magħmudija ta’ Ġesu’, fejn il-Missier stqarr: “Dan hu Ibni l-għażiż, għax jixbaħni fil-valuri li jħaddan u f’dak kollu li jemmen.  B’hekk jirrifletti wiċċi perfettament.”  Ġesu’ kellu rapporti mal-ħwejjeġ tad-dinja, mal-bnedmin u m’Alla, Minn dawn joħorġu t-tlett tentazzjonijiet prinċipali għal Ġesu’, l-istess kif joħorġu għalina. Fil-waqt li x-xitan jirnexxielu jinganna ħafna minna, ma rnexxilux jidħak b’Ġesu’.  Ġesu’ kien dak li kellu jisħaqlu rasu, ħaġa li  kienet imwegħdha lil Adam u Eva fil-ġnien tal-Eden.

“Ġesu’ tqanqal mill-Ispirtu…. biex imur fid-deżert.”  Hija l-istess identita’ ta’ Ġesu’, li hu dik ta’ Iben Alla, li mbuttatu lejn id-deżert.  Dan ifakkarna fil-mixja tal-poplu Lhudi li kien ittentat minn dawn it-tlett rejaltajiet, u ħafna drabi waqgħu għalihom.  Bħal meta ngidmu mis-sriep kien simbolu tal-waqgħa tagħhom.  Id-deżert hu simbolu tal-mixja lejn l-Art Imwiegħda. 

Il-mixja tagħna ta’ erbgħin jum (ideja aktarx meħuda mill-40 sena li l-Lhud qattgħu fid-deżert) trid issaffina sabiex inkunu ppreparati tajjeb biex niċċelebraw l-Għid.  Dejjem se nkunu ttentati.  Ġesu’ jissuġġerilna kif nirbħulu lix-xitan. 

“Tentazzjoni” tfisser “tqiegħed għall-prova,” tittestja biex tara x’isarraf dak li jkun.  

U x-xitan x’ikun?  Ejjew ninsew il-qrun u d-denb twil.  Il-kelma “diabolos” tfisser twaddab (bolos) fin-nofs (dia).  Bħal wieħed li jidħol bejn żewġ maħbubin biex jaqla’ l-inkwiet u jifridhom.  Mela xitan hu kull min jipprova jidħol bejni u bejn il-Missier Etern biex jifridni mill-Imħabba Tiegħu.  Tista’ tkun persuna, oġġett, għaqda, partit.  Ġesu’ darba għajjar lil Pietru Satana għax kien qed jipprova jwaqqfu milli jwettaq ir-rieda t’Alla.

Fl-ewwel parabbola jew tixbiħa għandna l-proposta tax-xitan b’kuntrast ma’ dik tal-Missier. Ix-xitan jgħid lil Ġesu’: “Int l-Iben t’Alla.  Ħa ngħidlek jien xi tfisser din: biex tirrifletti l-wiċċ tal-Missier lill-bnedmin, ordna li dal-ġebel isir hobż.  Inti mhux bniedem komuni.  Inti superman.” 

Dil-proposta tippreżenta lil Alla skont il-kriterji, l-valuri u r-raġunar tal-bnedmin.  Alla li jbiddel il-ġebel f’ħobż  jew f’deheb hu alla falz, idolu. 

Illum ukoll insibu min iqim ‘l Alla b’dal-mod: “Nemmen f’Alla sakemm jeħodli ħsieb il-flus fil-bank, id-dar, il-familja, is-saħħa, eċċ.”  

Il-verb “tiekol” insibuh 910 darbiet fil-Bibbja.  Dan juri kemm Alla jimpurtah mill-għixien tagħna.  Ġesu’ jfakkarna li l-ħobż materjali (li jinkludi dak kollu li nagħmlu b’ħilitna) m’hu qatt biżżejjed biex ngħixu ħajjitna fil-milja tagħha.  Għandna bżonn, jekk mhux aktar, il-Ħobż tal-ħajja: il-Kelma u l-Ewkaristija.

Fit-tieni prova, ix-xitan jipproponi d-dominazzjoni tad-dinja. “Biex tagħmel suċċess, biex tilħaq il-fulfillment tiegħek, trid timponi fuq l-oħrajn.  Dan tasal għalih billi tinxteħet tadurani, fi kliem ieħor trid tobdi s-suġġerimenti li nagħmillek.  Tħares lejn wiċċ ħadd. 

Fejn ikun hemm bżonn, israq, igdeb, għaffeġ fuq l-oħrajn, qabbeż ‘l-oħrajn għal xi promotion, tibżax tikkontanima l-ilma jew teqred l-ambjent biex tmexxi n-negozju ‘l quddiem jew biex tibni darek fejn trid.  Id-dinja mhux hekk sejra?”  Ix-xitan hu dik il-ħaġa jew xi ħadd li jħajjarni nagħmel dan kollu.  

Dan imur kontra dak li qal Ġesu’: “Min irid ikun l-ewwel fostkom ħa jservi l-oħrajn.  Hekk biss tkunu tistgħu tgħixu ħajja aktar umana u mhux bil-kontra.”  Mela naduraw ‘l Alla biss, tfisser li naċċettaw u nobdu l-preċetti.  Jekk naċċettaw il-proposti tax-xitan inkunu qed ninżgħu mill-umanita’ tagħna u naduraw lilu.

Fl-ewwel prova ix-xitan stieden lil Ġesu’ iħares ‘l isfel. Issa jgħidlu jħares ‘il fuq. Jikkwota Salm 91: “Alla jordna ‘l-Anġli jieħdu ħsiebek.”  Ix-xitan hawn qed isaqsi lil Ġesu’ (kif isaqsi lilna): “Inti żgur l-Iben t’Alla?  Żgur li m’intix iben missier  bijoloġiku biss?  

Mela, biex tkun żgur, ittestjah!  Aqbeż minn hawn u ara jsalvakx.”  Bit-tweġiba Tiegħu Ġesu’ jgħallimna li l-fidi tagħna f’Alla għandha tkun biżżejjed.  Min iħoss il-bżonn biex jittestjaH, m’għandux fiduċja assoluta fiH.  

Meta koppja għarajjes iħossu l-bżonn biex jittestjaw imħabbithom, ifisser li m’hemmx imħabba assoluta lejn xulxin. Fejn hemm imħabba vera u sinċiera, m’hemmx bżonn ta’ provi.  Xi Nsara jippretendu li Alla jagħmel mirakli għalihom u mhux għall-pagani. Ir-Reliġjon issir maġija, superstizzjoni. 

Irridu noqogħdu b’seba’ għajnejn kif nirrikorru għand il-qaddisin, domni, relikwi u labtijiet – dawn mhumiex ‘lucky charms’!  Jew dawk li ma jaqilgħux xi grazzja malajr jibdew jistaqsu: “Imma hemm Alla jew le? Jekk, iva, fejn hu?” Dan raġunar li jkun daħħalna fih ix-xitan. 

Kif nindunaw li ġralna hekk, irridu nirrisponduh bħal Ġesu’: “Tittantax lill-Mulej Alla tiegħek.” Tajjeb ukoll jekk naraw kemm grazzji oħra prezzjużi Alla tana (saħħa, xogħol, imħabba tal-familja w ħbieb) minn flok dik il-waħda li tlabnieh. “Ġesu’ qatt ma ddjaloga max-xitan imma wieġbu minn vers tal-Iskrittura.  Aħna jiħtieġ nagħmlu l-istess bħalu” (Papa Franġisku).